Xarici

Harvard məzunlarından Gəncə terroruna etiraz

Harvard Kennedy Məktəbinin azərbaycanlı məzunları Ermənistanın Azərbaycana qarşı təcavüzü ilə bağlı Amerika səfirliyinə müraciət ediblər.AzEdu.az xəbər verir ki, məzunlar öz fakültələrinə və ABŞ-ın Azərbaycandakı səfiri Li Litzenbergerə məktub ünvanlayaraq Ermənistanın dinc əhalini qəsdən hədəfə alması, döyüş əməliyyatlarının aparılmadığı böyük şəhərlərə raket hücumları ilə bağlı ABŞ-ın mövqeyini ifadə etməsini xahiş ediblər.

“Döyüş meydanında bir sıra məğlubiyyətlərlə üzləşən Ermənistan terrora əl ataraq cəbhədən çox uzaq məsafədə yerləşən Azərbaycan şəhərlərinə, o cümlədən ölkənin ikinci böyük şəhəri Gəncə və Cənubi Qafqazın ən böyük su anbarının yerləşdiyi Mingəçevirə davamlı raket hücumları etdi. Nəticədə, onlarla mülki vətəndaşımız həyatını itirdi və ağır yaralandı, tibb və təhsil müəssisələri də daxil olmaqla mülki infrastruktur ya məhv edildi, ya da ciddi ziyan gördü.

Ermənistan beynəlxalq humanitar hüququ açıq şəkildə pozaraq Azərbaycan daxilində çaxnaşma yaratmağa, müharibəyə üçüncü tərəfi cəlb etməklə münaqişə coğrafiyasını genişləndirməyə çalışır.

Harvardda oxuduğumuz müddətdə bizə qanunun üstünlüyü, ədalət və beynəlxalq hüququn aliliyinə riayət etmək öyrədildi. Harvard Kennedy Məktəbinin məzunları tərəfindən ölkənizin müvafiq orqanlarına ünvanlanan aşağıdakı çağırışın göndərilməsində bizə köməklik göstərməyinizi xahiş edirik. Əminik ki, ABŞ-ın ifadə etdiyi haqlı mövqe bölgəyə yenidən sülh və firavanlıq gətirərərək münaqişənin ən qısa müddətdə həllinə yol açacaqdır” – deyə məktubda qeyd olunub.(Azvision)

Mənbə

Teqlər

Oxşar yazılar

Leave a Reply

Your email address will not be published. Required fields are marked *

Back to top button
Close