Ali məktəb

Bakı Dövlət Universiteti doktorantura və dissertanturaya qəbul elan edir

Bakı, 4 sentyabr, AZƏRTAC

Bakı Dövlət Universiteti (BDU) doktorantura və dissertanturaya qəbul elan edir.

BDU-dan AZƏRTAC-a bildirilib ki, fəlsəfə doktoru proqramı üzrə doktoranturaya ali təhsili olan (ali təhsil pilləsinin magistratura səviyyəsini bitirən, yaxud təhsili ona bərabər tutulan) Azərbaycan Respublikasının vətəndaşları müsabiqə yolu ilə qəbul olunurlar. Doktoranturanın (keçmiş aspiranturanın) tam kursunu bitirən şəxs eyni ixtisas üzrə təkrarən doktoranturaya qəbul oluna bilməz.

Fəlsəfə doktoru proqramı üzrə doktoranturaya qəbul üçün bu sənədlər BDU-nun Magistratura və doktorantura şöbəsinə təqdim olunmalıdır: BDU-nun rektorunun adına ərizə, kadrların şəxsi-qeydiyyat vərəqi, tərcümeyi-hal, 4 ədəd fotoşəkil (3×4 sm ölçüdə), iş stajı olanlar üçün əmək kitabçasından çıxarış, xasiyyətnamə, elmi rəhbərin razılıq sənədi, çap olunmuş elmi işlərin siyahısı (təsdiqlənmiş qaydada) və ya seçilmiş ixtisas üzrə referat (referata rəy tələb olunur), ali təhsil müəssisəsini bitirmək haqqında diplomun notarial qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərinin tanınması haqqında şəhadətnamə), şəxsiyyət vəsiqəsinin notarial qaydada təsdiq edilmiş surəti.

Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağı bacaran və fəlsəfə doktoru (elmlər namizədi) elmi (alimlik) dərəcəsi olan Azərbaycan Respublikasının vətəndaşları qəbul edilirlər. Elmlər doktoru proqramı üzrə doktoranturaya qəbul üçün bu sənədlər BDU-nun Magistratura və doktorantura şöbəsinə təqdim olunmalıdır: BDU-nun rektorunun adına ərizə, kadrların şəxsi-qeydiyyat vərəqi, tərcümeyi-hal, 2 ədəd fotoşəkil (3×4 sm ölçüdə), iş yerindən xasiyyətnamə, əmək kitabçasından çıxarış, müdafiədən sonra çap olunmuş elmi işlərin siyahısı, fəlsəfə doktoru (elmlər namizədi) elmi dərəcəsi diplomunun müvafiq qaydada təsdiq edilmiş surəti, ali təhsil müəssisəsini bitirmək haqqında diplomun notarial qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərinin tanınması haqqında şəhadətnamə), şəxsiyyət vəsiqəsinin notarial qaydada təsdiq edilmiş surəti.

Dissertantlıq yolu ilə fəlsəfə doktoru elmi dərəcəsi almaq üçün dissertanturaya ali təhsilli (ali təhsil magistratura səviyyəsini bitirən, yaxud təhsili ona bərabər tutulan), müvafiq tədqiqat sahəsində müəyyən müvəffəqiyyətləri olan ali təhsil müəssisələrinin, elmi və digər təşkilatların elmi və elmi-pedaqoji kadrları sənəd təqdim edə bilər. Dissertantlıq yolu ilə təhsil müddətini başa vuran şəxslər eyni ixtisas üzrə təkrar dissertant ola bilməz.

Doktoranturada tam təhsil müddətini başa vurmuş şəxslər eyni ixtisas üzrə dissertantlıq yolu ilə təhsil ala bilməz. Dissertant kimi təhkim olunmaq istəyən şəxslər bir qayda olaraq, elmi və elmi-pedaqoji iş stajına malik olmalıdır.

Fəlsəfə doktoru elmi dərəcəsi almaq üçün dissertanturaya qəbul olmaq istəyən iddiaçı bu sənədləri universitetin Magistratura və doktorantura şöbəsinə təqdim etməlidirlər: BDU-nun rektorunun adına ərizə, kadrların şəxsi-qeydiyyat vərəqi, tərcümeyi-hal, 2 ədəd fotoşəkil (3×4 sm ölçüdə), iş yerindən xasiyyətnamə, əmək kitabçasından çıxarış, çap olunmuş elmi işlərin siyahısı və ya seçilmiş ixtisas üzrə referat (referata rəy tələb olunur), ali təhsil müəssisəsini bitirmək haqqında diplomun notarial qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə), şəxsiyyət vəsiqəsinin notarial qaydada təsdiq edilmiş surəti.

Dissertantlıq yolu ilə elmlər doktoru elmi dərəcəsi almaq üçün fəlsəfə doktoru elmi dərəcəsinin olması əsas şərtdir.

Elmlər doktoru elmi dərəcəsi almaq üçün dissertanturaya qəbul olmaq istəyən iddiaçı bu sənədləri universitetin Magistratura və doktorantura şöbəsinə təqdim etməlidir: BDU-nun rektorunun adına ərizə, kadrların şəxsi-qeydiyyat vərəqi, tərcümeyi-hal, 2 ədəd fotoşəkil (3×4 sm ölçüdə), iş yerindən xasiyyətnamə, əmək kitabçasından çıxarış, müdafiədən sonra çap olunmuş elmi işlərin siyahısı, fəlsəfə doktoru (elmlər namizədi) elmi dərəcəsi diplomunun müvafiq qaydada təsdiq edilmiş surəti, ali təhsil müəssisəsini bitirmək haqqında diplomun notarial qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərinin tanınması haqqında şəhadətnamə), şəxsiyyət vəsiqəsinin notarial qaydada təsdiq edilmiş surəti.

Doktoranturaya (dissertanturaya) sənədlərin qəbulu sentyabrın 3-dən 25-dək hər gün (şənbə, bazar və bayram günləri istisna olmaqla) BDU-nun əsas binasında, magistratura və doktorantura şöbəsində (otaq 237) aparılacaq.

Qəbul qaydaları haqqında ətraflı məlumatı BDU-nun magistratura və doktorantura şöbəsindən rəsmi internet səhifəsindən (www.bsu.edu.az), həmçinin +99412 539-06-71 əlaqə nömrəsindən əldə etmək olar.

Mənbə

Teqlər

Oxşar yazılar

Leave a Reply

Your email address will not be published. Required fields are marked *

Back to top button
Close