Ali məktəb

Azərbaycanda ilk dəfə Bakı Ali Neft Məktəbində “Google”un Proqramçı Tələbələr Klubu yaradılacaq

Azərbaycanda ilk dəfə Bakı Ali Neft Məktəbində (BANM) “Google” şirkətinin Proqramçı Tələbələr Klubu (“Developer Students Clubs”) yaradılacaq.

BANM-in V kurs tələbəsi Nəriman Tağızadə “Google” şirkətinin Proqramçı Tələbələr Klubu proqramına Klubun yerli bölməsinin rəhbəri olaraq qəbul olunub. Belə ki, proqram çərçivəsində N.Tağızadə BANM-də yaradacağı “Developer Students Clubs (DSC) “Google” ilə əməkdaşlıq edərək yeni layihələr üzərində işləməli və innovativ tədbirlər həyata keçirməlidir. Bakı Ali Neft Məktəbində bu bölmənin yaradılması həm tələbələrə proqramlaşdırma biliklərini artırmağa, həm də irimiqyaslı layihələrdə işləməyə şans yaradacaq.

Qeyd edək ki, Proqramçı Tələbələr Klubu “Google” tərəfindən tələbələr üçün təşkil olunan təcrübə proqramıdır. Bu proqram daxilində tələbələr öz təhsil mərkəzləri ilə “Google” arasında əməkdaşlıq əlaqələri yaradaraq yeni tədbirlər, ideyalar, layihələr üzərində işləyib “Google”-a təqdim etməlidirlər.

Hələ ki, bu proqrama Azərbaycandan cəmi 2 tələbə qəbul olub.

Mənbə

Teqlər

Oxşar yazılar

Leave a Reply

Your email address will not be published. Required fields are marked *

Back to top button
Close