İşə qəbul olmaq istəyən müəllimlərin nəzərinə

Təhsil Nazirliyi 2012/2013-cü tədris ili üçün orta məktəblərin və peşə liseylərinə müəllimlərin işə qəbulu üçün ərizə qəbulunu başa çatdırıb. Təhsil Nazirliyindən bazar ertəsi Trend-ə verilənm məlumata görə, ərizə qəbulu iyulun 1-dən 15-dək aparılıb. Ümumilikdə bu il 3270 vakant müəllim yeri üzrə müsabiqə aparılacaq. Onların 293-ü Bakı şəhəri, 2977-si isə respublikanın digər rayon və şəhərləri üzrədir. Vakant müəllim yerlərinin 48-i peşə liseylərinin payına düşür. Onların 16-sı Bakıdakı, 32-si isə respublikanın digər rayon və şəhərlərindəki peşə liseylərindədir.

Nazirlikdən deyilib ki, vakant müəllim yerləri üzrə keçiriləcək müsabiqədə iştirak etmək istəyənlər iyulun 1-dən elektron ərizələrini doldura bilərlər. Ərizələrin doldurulması üçün sonuncu gün 15 iyuldur.

Qeyd edək ki, 2010-cu ildən Azərbaycanda müəllimlərin işə qəbulu üçün müsabiqə üç mərhələdə keçirilir.

Birinci mərhələdə müəllim kimi çalışmaq üçün işə qəbul olmaq istəyənlərin elektron ərizələrindəki göstəricilər qiymətləndirilir.

Daha sonra namizədlər test imtahanı verirlər.

Yekunda – üçüncü mərhələdə isə namizədlər müsahibədən keçirlər. Müsahibə Təhsil Nazirliyinin yaratdığı komissiya tərəfindən aparılır.

TN ötən il orta məktəblərdə 2000-dən çox vakant müəllim yeri üzrə müsabiqə elan etmişdi.

Comments are closed.