Gənclər və İdman Nazirliyi cari ilin aprel və may ayları ərzində 16-21 yaş həddində olan gənclər arasında «Mədəni İrsimiz-Tarixi Dəyərimiz» mövzusunda foto-müsabiqə keçirir.
Müsabiqə üçün fotoşəkillər qəbul olunur. Fotoşəkillər Azərbaycanın zəngin mədəni irsini, mənəvi-əxlaqi dəyərlərini, təbii irs yerlərini əks etdirməlidir.
Telebe.az – ın məlumatına görə, müsabiqənin keçirilməsində məqsəd – Azərbaycanın zəngin mədəni irsinin, mənəvi-əxlaqi dəyərlərinin dünya mədəniyyətinin tərkib hissəsi kimi təbliğ olunması, gənclərə Vətənə məhəbbət hisslərinin aşılanması, həmçinin Avropa Şurası təşəbbüsü ilə dünyanın əksər ölkələrdə keçirilən «Beynəlxalq Mədəni İrs Fotoqrafiya Təcrübəsi» layhəsinin Azərbaycan Respublikasında keçirilməsini təmin edilməsindən ibarətdir. Bu il keçirilən müsabiqə eyni zamanda Azərbaycanda “Turizm ili”nin elan olunması ilə əlaqədar olan tədbirləri çərçivəsində keçirilir.
Tədbirin 4 nəfər qalibinə pul mükafatı verilir. 1 yer-300 manat, 2 yer-200 manat, 3-yer 2 nəfərə verilir və hərəsinə 100 manat pul mükafatı verilir. Eyni zamanda qaliblər Gənclər və İdman Nazirliyi və Avropa Şurası tərəfindən təsis etdiyi fəxri diplomlar ilə təltif olunacaqlar. Eyni zamanda qalib gəlmiş fotoşəkillər «Beynəlxalq Mədəni İrs Fotoqrafiya Təcrübəsi» layhəsinin ümumi kataloqunda nəşr olunacaqdır.
Müsabiqənin hər bir iştirakçısı yalnız 10 şəkil (cd ya dvd formatında) təqdim edə bilər. Eyni zamanda təqdim olunan hər bir fotoşəkilin adı qeyd olunmalıdır. Müəllif haqqında informasiya (adı,soyadı, təvəllüd) və şəxsiyyət vəsiqənin sürəti əlavə olunmalıdır.
Fotoşəkillər 03 may 2011 il tarixədək Gənclər və İdman Nazirliyində (Ünvan: Olimpiya küçəsi 4, Nazirliyin inzibati binası, 1 mərtəbə. 1 otağ.) qəbul olunur.
Telebe.az
Oxunma sayı:221
Oxşar yazılar:
